Lams Ki Hiddat Ko Kia Likhoon

[Khushboo]

Lams Ki Hiddat Ko Kia Likhoon


Likhon Kis Tarhan Main Us Kamat-E-Zeba Ki Raanai
Jo Mujh Pay Khool Deti Hai Merey Andar Ki Panhai
Sar-E-Bazm-E-Tassawar Jab Bhi Us Paikar Ki Yaad Aye
Sama'at Jaagh Uthi Hai, Nikhar Uthi Hai Beenaye
Karoon Zanjeer Kaisey Un Tabbasum Raiz Hontoon Ko
Pukaroon Main Bhala Kis Naam Say Un Zinda Aankhon Ko
Main Us Ki Unglion K Lams Ki Hiddat Ko Kia Likhoon
Nafz Ki Aanch Say Mansoob Us Lazzat Ko Kia Likhoon
Hansi Ko Kia Kehon Ghuftaar Ko Likhoon Tu Kia Likhoon
Main Us K Aabroo-E-Khamdaar Ko Likhoon Tu Kia Likhoon
Main Us Ki Zulf-E-Siyah Ko Aabar Say Tashbiha Kaisey Doon
Ghataon Ko Martaba Bakhshoon, Ussay Tarjeeh Kaisey Doon
Aada-E-Junbish-E-Lab Ko Maata-E-Khaab Main Likhoon
Main Us Aahang Ko Kia Naam Doon, Kis Baab Main Likhoon
Suraahi Say Bhala Tashbeeha Kion Doon Us Ki Gardan Ko
Karon Kam Haisyat Aakhir Kion Main Funkaar K Fun Ko
Likhoon Kis Barg-E-Gul Pay Niqhaat-E-Aahang Ki Batain
Karon Kis Phool Say Us Aarz-E-Khush Raang Ki Batain
Jo Sunbal Say Hai Afzal Us Ko Sunbal Likh Nahin Sakta
Main Us K Naqsh-E-Pa Ko Saya-E-Gul Likh Nahin Sakta
Main Us Ki Churiyon Ki Soot Ko Anwaan Kia Deta
Jo Khud Pehchaan Hai Apni, Ussay Pehchaan Kia Deta
Hina-I-Ungliyon Ki Kab Koi Tamseel Mumkin Hai
Khayali Baam-O-Dar Say Kia Koi Takmeel Mumkin Hai...?
Main Kion Us Pairhan Ko Surat-E-Rashk-E-Chaman Likhoon
Bhala Us Saans Kion Khushbo Ko Kion Mushk-E-Khutan Likhoon
Ussay Yaktaye Haasil Hai Abhi Tak Apni Wehdat Main
Taqaabul K Liey Manzar Nahin Hai Husn-E-Fitraat Main
Main Khushbo Ki Haraat, Lafz Main Tehreer Kia Karta
Khatoot-E-Khaal-O-Khad Qirtaas Pay Tasveer Kia Karta
Haya Ka Rang Us Ka Oushwa-O-Andaaz Kia Likhta
Marwaj Harf Say Raaz Main Us Ka Naaz Kia Karta
Guhar, Shabnam, Shafat, Jugno, Sitaaray, Aabjo, Aafshan
Chaman, Rang-E-Hina, Daman-E-Gul, Khilti Howi Kaliyan
Nikharti Chaandni, Ithlaati Lehrain, Rangi, Nighat, Aaina, Jharna
Yeh Sab Alfaaz Us K Husn K Aaghay Hain Bay Maani
Main Un Bay Noor Lafzoon Say Kasheedon Rooshni Kaisey
Soo Us K Husn K Tafheem Ki Bas Aik Suraat Hai
Naye Alfaaz Ki Tashkeel Ab Meri Zaroorat Hai
Main Un Lafzoon Say Us K Husn Ko Kaghaz Pay Kia Likhoon
Aur Us K Khaal-O-Khad Ki Nit Naye Tasveer Khainchon Ga
Magar Yeh Sooch Kar Kuch Muzmahil Sa Aaj Yeh Dil Hai
Naaye Alfaaz K Eblaagh Ka Imkaan Mushkil Hai

[Roomi]

Main Un Lafzoon Say Us K Husn Ko Kaghaz Pay Kia Likhoon
Aur Us K Khaal-O-Khad Ki Nit Naye Tasveer Khainchon Ga
Magar Yeh Sooch Kar Kuch Muzmahil Sa Aaj Yeh Dil Hai
Naaye Alfaaz K Eblaagh Ka Imkaan Mushkil Hai

...zaberdest hey na...