Aap Kiya Kehte Hen?

Aslam o Alaikum
Umeed hey aap sub theek honge. Me bhi theek hon na. Aaj kal Pakistan aaya hon. Bohat kuch badal gia hey yahan per. Ur bohat kuch badal rha hey. Raat me saochta rha keh hum kion aahista aahista gunahon ki daldal men dhanste ja rhe hen. Kion hum neikion ki tarf ni bhagte. To mere demagh men is ki bohat si wajoohat aaieN. Me jis angle se bhi sochta mujhe eik nai wajah hi nazer aati. Mager me ko sub se bari wajah jo feel hoi wo yeh keh hum ne quran e pak ki is ayet ko framosh ker diya hey jis ka mafhome hey keh “Hum ne is (quran e pak) ko naseehat ke liye asaan bana diya to hey koi naseehat pakerne wala”
Kiya hum ne kabhi gor kiya keh sub se bara gunnah Shirak hey. JIs ki koi maafi nhi hey. Sub se sakhet saza bhi isi ki hey. Mager kiya sheetaan ne yeh gunnah kiya tha. Sheetan keh jis se door rehne ke liye hum ko baar baar kaha giya. Wo tamam raste jo sheetan ki tarf jaate hen us pe chalna to door ki baat un ki tarf dekhne se bhi roka giya. Ur un raston ki nishandahi kerne ke liye Allah ne baar baar apne Rasool bheije. Allah ke her Rasool ne hum ko Allah ke nazdeek ur sheetan se door rahne ki baat ki. Us sheetan se jis ne shirak nhi kiya tha mager inkaar kiya tha. Donon inkaar eik Aqli ur dosra Amli. Yaani eik to us ne Aadam ko practically sajda kerne se inkaar kiya ur dosre us ne aqli tor pe insaan ko apne se afzal nhi samjha. Us ne yeh nhi kaha keh koi ur Allah bhi hey. Us ne Allah ke hukam ka inkaar kiya. Ur dhutkara giya. To ager hum quran e pak ki is ayet ko dekhen jis ka mafhom hey keh “Hum ne is (quran e pak) ko naseehat ke liye asaan bana diya to hey koi naseehat pakerne wala” is ayet pe thora sa gor Karen to hum ko feel hoga keh hum bhi anjaane men sheetan ke raston pe chal rhe hen. kionkeh hum sunte to hen is naseehat ko ur maante bhi hen mager amal nhi kerte is per. Ur Hum kaise kaise Allah ke hukam ke amli inkaar ker rhe hen.
Allah ne kuch ahkaam detail se batein hen. Detail Allah usi waqt deta hey jub koi baat boaht hi aham hoti hey. Inhi men se eik detail Allah ne perda ke bare men ki hey. Nah sirf musalmaan orton ko perda men rehne ka hukam diya bulkeh detail bhi di keh kaise merdon se baat kerni hey. Ur un relatives ka naam le le ke bata diya jin ke saamne perda kerna zarori hey. Hum is ka aqli inkaar to nhi kerte mager amli inkaar zaror kerte hen. Choonkeh meri yeh thinking overall hen isi liye me infaradi nhi le rha is ko. Me Pakistani society ki ijtamai baat ker rha hon. Is liye ager koi Allah ke ehkaam ki pabendi kerta/kerti hey to wo yeh nah samjhe keh me ne is ko bhi in men shamil ker diya hey. To jub hum Allah ki kisi baat ka amli inkaar kerte hen to kiya hum sheetan ko follow nhi ker rhe hote? Us ne bhi to Inkaar hi kiya tha na.
Merdon ko hi hukam diya giya keh wo apni nigaohon ko necha ker ke chalen. Kisi ger ourat pe nazer per jay to apni nazron ko palta len. Kiya hum aisa hi kerte hen? Kiya hum is hukam ka bhi inkaar nhi kerte?
Nimaz ka hukam diya giya ur itti detail se diya giya keh kisi bhi haal men nimaz ko chorne se mana kiya giya. Ur jin halaat men nimaz ki rukhset ki ijazet di gai us ko bhi detail se beyan ker diya. Chahe insaan safar men hi kion nah ho, chahe insaan ko wuzu ke liye paani nah mil rha ho, chahe insaan jang ki haalet men ho, her haalet men nimaz ko qaim rakhne ka hukam diya giya. Hum aqli tor pe is ka inkaar nhi kerte mager amli tor pe inkaar ker rhe hote hen. Hum in chizon ki wajah se itte aham faraz se inkaar ker rhe hote hen jo keh nafal bhi nhi hoti hen. Baad dafa to hum kisi gunnah men masroof hote hen ur nimaz ka waqt guzer jata hey. Ur hum ko afsos bhi nhi hota. Baad dafa aise kamon men masroof hote hen jin ka nah koi faida hota hey nah nuqsaan ur nimaz ka waqt guzer jata hey.
Ager hum quran e pak pe gor Karen to hum dekhenge keh sheetan bohat kamzor hey. Insaan sheetan se boaht powrfull hey, kionkeh sheetan ko hukam diya giya tha keh insaan ko sajda kare. Ur sajda usi ko kiya jata hey jo apne se zeyada powerful ho. Mager hum powerful hone ke bawjod apne se kamzor hasti ki perwi kerte hen. Kiya aisa hi nhi hey? Us ki perwi kerte hen jis ne inkaar kiya ur dhutkara giya, kiya anjanane men hum bhi amli inkaar ker ke us ke haath mazboot nhi ker rhe?
Kiya kehte hen aap sub?

[Larki Anjani]

yeh wo karwa sach hai jisse hum jante hue bi tasleem nai kartee......bas itna hi kahonghi k aj hmara mazhab siwaye hmare nafs k aur kuch bi nai...hum ne quran ko choor ke shaitaan ka rasta ehtyar karliya aur shaid isiliye apne nafs aur kufaar k hathoon zalil hurhe hain....

[MJKT]

roomi jee
batein app kii bilkul theek hain.....simple see bat haie
hum naa Allah kaa hukm per amal karna chur diya haie aur yeh hee waja haie kaa
hum yeh para shaniayn face kar raha hain
aik hee hal haie is kaa
Hum.....Allah saa apna gunayoon kii mafi mang lein aur abhe bhe time haie kaa apna asal maksad kee taraf wapis lot ayein