~Alwida Alwida Maahe Ramzan~

[Zymal]

ALWIDA ALWIDA MAHE RAMADAN
Qalb E Ashiq hai ab parah parah
Alwida Alwida Maahe Ramadan
kulfat e hijrat o furqat ne mara
Alwida Alwida Mahe Ramadan

Tere Ane se dil khush howa tha
aour zoq e ibadat berrha tha
Aah!ab dil pe hai gham ka ghalba
Alwida Alwida maahe Ramadan

Masjidon men bahaar aa gai thi
joq dar joq aatay Namazi
ho gya kam namazon ka jazba
Alwida Alwida Maahe ramadan

Tere deewane ab ro rehy hain
muztarib sab k sab ho rehy hain
haay ab waqt e rukhsat hai aaya
Alwida Alwida Maahe Ramadan

tera gham sab ko tarrpa reha hai
atishe shoq bharrka reha hai
phat reha hai tere gham men seena
Alwida Alwida Maahe Ramadan

Bazme Iftar sajti thi kaisi!
khoob Sehri ki ronaq bhi hoti
sab saman ho gya soona soona
Alwida Alwida Maahe Ramadan

yaad Ramadan ki tarrpa rehi hai
aansuon ki jharri lag gai hai
keh reha hai yeh her aik qatra
Alwida Alwida Maahe Ramadan

Dil k tukkre howe ja rehy hain
tere Ashiq maray ja rehy hain
ro ro kehta hai her ik becharaa
Alwida Alwida Maahe Ramadan

Tum pe lakhon salam Maahe Ramadan
Tum pe lakhon salam Mahe Ghufran
jaao hafiz khuda ab tumhara
Alwida Alwida Maahe Ramadan

Nekiyan kuch na ham ker seky hain
Aah! isiyan men hi din katay hain
Haay! ghaflat men tujh ko guzara
Alwida Alwida Maahe Ramadan

wasita tujh ko Meethy Nabi ka
Hasher men ham ko mat bhool jana
Roz e Mehshar hamen bakhshawana
Alwida Alwida Maahe Ramadan

Jab guzer jain ge Maahe gyarah
Teri Aamad ka phir shor ho ga
kya meri zindagi ka bharosa
Alwida Alwida Maahe Ramadan

[! Aatish !]

Alwida Mah-e-Ramzan

Allah Hum sab k Roozay Qabool O Manzoor Farmiay Aur Hume Hamisha Ramzan Ki terha Namaz K pabandi Ki Toofeeq Ata Farmiay

ameen suma ameen

[Khushboo]

Alwida Ramdan...eh barkatoN aur rehamatoN ke maheene ..tu pir aana meri zindagi meiN ..Ameen SumAmeen

Kal aakhri roza ki iftaari par..mai ne yeh dua maangi ke Ya Allah mujhe yeh maheena pir naseeb karna..Ameen SumAmeen.