"Mismanagement Team"

[Roomi]

DD eik aisa mahal hey jahan ke sub baasi....doosre mahalon men jhaankte phirte hein...bus raat stay kerne ke liye idher ko chale aate hien...maze ki baat yeh keh...eik jagah rehte hoy hafton hafton eik doosre se mulaqat nhi hoti...

wajah keya hey....

keya kbhi kissi ne saocha ke keya wajah hey keh members interest kion nhi lete...mien ne saocha hey.....is ki sub se bari wajah management hey...keya management apni weekly report check karegi....keh is week inhon ne dd ko keya deya...kitte members ko encourage keya...kitnon ko discourage keya...
eik achi management hi responsible hoti hey...apne project ki jis pe wo kaam ker rhe hote hien...ager project acha geya to credit management ko jaiga...ur ager fail ho geya to bhi management hi se poocha jaiga...

one question........jin logon ko management team mein shamil keya geya hey...un ki progress ur ability dekh ke hi keya geya hoga...so ager un ki progress us level ki nhi rhi jo keh pehle thi...to keya wo pervaiz musharaf ki tarha chipke rehengey....

sub dekh rhe hien keh regular member bhi nhi aarhe...un ki majbooreyan bhi hongi...mager koi to wajah hogi...sub ko majbooreyan to nhi hoskti...so plz is last week ki progress note karein...management wale keh unhon ne members ko keya dya...kitni thraeds open ki....kitni reopen ki...kitni thread ko close keya....kitte aatendance rhi management ki last week mein....

bura nah maneyga mien ur fanta "mangement team" ko "mismanagement team" bolte hien...

umeed hey aap is ko possitive lengey.....

[! Aatish !]

DOnt Worry inshALLAH hum is " Tanqeed "Ko b +ve he lain gay

Jahan Tak Baat Hai Management ki tu os mein Jo b Log hain wo sabhi Apna Apna Kaam pori terha sar anjaam de rahy hain
jahan Tak regular hone ki baat hai tu wo koi b kabhi b Busy ho sakta hai
aur members k busy hone k Ilawa on k na any ki waja jo ap ki nazar mein hai wo ap bata detay tu jawab deny main asani hoti
lakin agar wo Yahan ka Family Mahool hai jis ko Barqaraar rakhne k lia Management

Threads ko remove ya Posts ko Delete karti hai tu wo is Forum k Rules mein shamil hai

yes is baat ko mana ja sakta hai k yahan wesa rash nahi hota members ka Her waqat
os ki waja shaiad ye b ho sakti hai k yahan "Spammers" ko ziyada pasand nahi kia jata

baqi forums pe aap dekhin gay k spammers ki bharmaar hoti hai jo serf post bharany ki khatir bilwaja bemaqsad baaton ki terf ziyada dehaan detay hain

jis se forum ka Asal maqsad dam toor deta hai ,
baqi jahan tak management ki baat hai tu wo members k is qadar Qareeb aur ghul mil k rehna Chahty hain k management k kisi b member ko Alag se Color nahi diye gay

yahan pe Mods , super mods , administrator sab k ID k Colors wohi hain jo aam members k hain , takay members ko ye ahsaaas na ho k ye koi Alag se mahlook hai

Family Forum k hesaab se bohat sari baaton ko mad-e-nazar rakhna parta hai
aur bohat sari posts n Thread ko Close kerna perta hai
kyun k family forum mein jo female member hain wo asani se apne ghar walon k samne b ye forum use ker sakin
aur asay log jo is baat ko nahi samjte wo is forum aur management ko apne lia MISS Fit samjte hain
on ko lagta hai k management ghalt karrahi hai
lakin management Forum pe Rules ki passdari k lia he bani hai
takay is k mahool ko thik rakha ja sakay

agar ap kisi khass baat ki nishandhahi kerwatay tu ziyada munasib jawab dia ja sakta tha

jahan tak posting n thread open kerny ki baat hai tu wo thik hai ap ki
lakin management k members jitni dair k lia atay hain otni dair mein saray forum ki posts n thread dekhnay mein he itna waqta lag jata hai k shaiad nahi posting kar patay
lakin ap ye nahi kah saktay k management apni duty sahi se nahi nibha rahi
management woi kar rahi hai jo jo os k zumay duty hai

anyways ab ye b dekh lain k ap ne ye thread fun n joke section mein bana dee
ab ye move b tu management ne he karni hai na

[Zymal]

kafi achi batein aap nai ki hai
or Management ko yeh read karna chaya

[Muskaan]

Thanks to Aatish

I hope roomi apko aapke sawalo k jawabaat mil gae honge iske ilawa b kuch kehna chahey ya koi suggestion dena chahei to everyone is welcome here

[Roomi]

haan muskaan jee...mien wait ker rha hon virdan ke comments ki...

[Virdan]

OK DEAR, VIRDAN IS PRESENT HERE!

(Wesay Specially Virdan k comments kyon? Aatish b Managment ka he hissa hay so us ka reply b wesi he ehmiyat ka hamil hay)

Khair Aatish kafi kuchh keh chuka hay is baray mien. sab say pehlay to yeh kahon ga Roomi bhai k aap ki yeh thread parh ker By God bohat khushi hui k koi hay jo soch raha hay, First of all thanks 4 this.

Dosri baat jo Aatish nay b 2 dafa kahi hay aur mien b kehna chahta hon k aap Management ki mistake ko clear kerain ta k uska reply diya ja sakay.

Jahan Tak Management ki postings ki tadaad ka taluq hay to aap posting area mien check ker saktay hain k over all members ki posting zayda hain ya Management ki? its an open offer for u.

kisi thread ko close kerna, move kerna, kisi ko warning dena ya sab Rules ki pabandi aur aap logo ko ik achha mahool faraham kernay k liyay hota hay, kyon k yahan per jo log hain woh hamaray liyay ik family ki tarah hain, hum yahan per BOSS bun ker nahe dost un ker baat kertay hain kyon k infact hum BOSS hain he Nahe hum to DOST hain.

Ab agar aayeh moving, deletion, editing, closing kisi ko na pasand hay to woh baat kisi mazboot daleel say karay hum accept karein gay k aisa tha aisa nahe hay,

Aap apni he example lay leejiyay aap nay last time MJKT k poll ko close kernay per comments diyay thay jisy close ker diya gaya hay yeh dekhay baghair k us ka title tha who is best aur us k andar us ka subject aap ko kon pasand nahe hay chgal raha tha. ab agar aap kahein k is k bawjood is ko kyon close kiya gaya to aap ki baat nahe mani ja sakti.

Hum log khud ko apni activites ko discuss b kertay hain aur us ka proper ik system hay jahan hamari sab reports aur activities save hoti hain. Admin and all Managment members jantay hain.

Forum k jo member yahan nahe rahay. agar us ki waja Management ki koi mistake hay to aap ko izhaar ka haq hay aap apni raaiy dein hum us per aap ko Insha Allah satisfied kernay ki koshish karein gay with solid reasons.

Hum b insan hain, mistakes b kertay hain, aap un ki nishandahi karein hamein unhein sahe ker k bohat khushi ho gi aur aap ki nishandahi hamaray liyay asaniyan faraham karay gi.

I am waiting for ur reply, aur yeh baat sirf aap k liyay he nahe hay, Mein sab members ko yahan davat deta hon k Management ki mistakes ki nishandahi karein aur apni raaiy dein aur Musbat tanqeed b kareib but Remind u With Solid Reasons. Thanks 4 ur great Attention.

[Roomi]

dekha na......mujhe pata tha keh aap ke comments bohat mazboot hongey...maza aaya perh ke....to virdan bhai.......sub se pehli baat....

1- keya aap ne kabhi feel keya keh membes keya chahte hein...kis kisam ka mahol chahte hien...aap logon se kis kissam ke raweya ki tawaqu rakhte hein...nhi aap ne kabih feel nhi keya hoga...isi liye to members disheart ho rhe hien....keh wo kuch nea kerna chahte hein....mager aap aankhein bund ker ke apni law ki book un ke saamne ker dete hein keh....book ke page number 56 law number 34 ki wajah se aap ko yeh saza di jarhi hey...

Example: 1
aap ne mjkt ki example di...mien bhi usi ko yahan code kerta hon....keh aap ne is wajah se us ki thread close ker di keh us ka subject theek nhi tha...yahan tak theek tha....aap ne apni book ko follow keya...mager keya aap ne feel keya keh us ne kitni khushi se thread open ki hogi...keya kissi management ke member ne us ko encourage keya. ...nhi keya......us ko kissi ne nhi samjhaya keh mjkt aap new thread banao ur is ka subject aap aisa rakh lo...so keya howa us ke baad us ne thread hi banani chor di...so aap ne keya khoya keya paya....

Example: 2
Farhan bhai ne thread open ki....aap ne apni book us ko dikha ke thread close ker di...keh isi naam ki thread pehle se mojod hey...aap ne itna bih nah saocha keh aap ne thread ager close kerna hi hey to wo pehle wali bhi to close hoskti thi...mager nhi aap ke liye book important hey feelings nhi...

Example: 3
mien ne thread open ki... chat Room....meri to aap ne close nhi ki...jis ki wajah se mein baoht acha feel keya...mujhe aap ne encourage keya...ur yehi wajah he keh aaj mein yahan wo batein ker rha hon jo management mehsoos nhi ker rhi...

Example: 4
uncle thread closer eik din aay...unhon ne apni book dekh ke thread close ker di keh yahan spamming ho rhi hey...ub jis ni thread banai thi ur jis ke liye bani thi...un ka is men keya qasoor...keya aap ne un ki feelings ko mehsoos kerne ki koshish ki...galti kissi ki saza kissi ko...

jahan tak baat hey keh aap apni progress ka check rakhne ke liye eik system ko follow kerte hein...yeh baoht achi baat hey....mager us system ki output kion nhi mil rahi...

1... Members regular nhi ho rhe....keya aap ne koi aisa programe banaya keh kis tarha hum members ko regular ker skte hein...ager banaya hey to keya aap ne wo programe present members se discuiss keya hey...

2...new members ko invite kerne ke liye keya aap ke pass koi programe hey...ager hey to keya aap ne present members se discuiss keya hey....

so hum farz kerte hein keh aap logon ne koi programe banaya hoga...keh kis tarha members ki strength increase ki jaskti hey...kis tarha members ko regualr keya jakslta hey...to aap ne apply kion nhi keya apna programe...ager keya hey to us ka koi result kion nhi nikal rha...kahan pe mistake hey...kabhi aap ne yeh batien hum logon se share kerne ki koshsih ki....

aap eik aise department mein hein jo keh law ko samjhta hey...mager aap ko pata hoga keh baa ddafa halaat ke mutabiq faisle keya jate hein...so plz plz plz thore dino ke liye apni book ko close ker dien...ur halaat ko samjhne ki koshihs karein....ur is ke mutabiq faisla karein....

is thread ka maqsed management ki expaination nhi...bulkeh pushing hey management ko....ager wo samjhe to...wagerna keya hey...sub chal rha hey...ur chalta rhega...


waise really virdan bhai aap ke comments perh ke maza aaya....so dkehin ub keya nikalta hey is patwaari se....intezaar kronga aap ke reply ka.......leiken plz plz apni safai mein kuch nah boleyega....just.......Right Turn......Quick Marchhhhhhhhhhhhh

[Imaan Ashraf]

ahaaaan .... Greaaaat Discussion ...

I would say that No one should break the laws and rules ... Management Should take action which is going against rules .... Which i think they are Doing ...

Rest, Management shouldn't Give a Free Hand to any Member, Some matters MUST only be discussed Just in Management ... I hOpe Admin, Mods are Understanding That ... I am not Saying that U dont Do that But my Reply is in order to Above Comments .......

Baaqi Sab Samajhdhaar Loog Hain Yahaan

[MJKT]

rm is right

[Virdan]

Kisi k b comments mazboot nahe hotay brother sirf such SOLID HASIYAT Rakhta hay bus ya Khaloos e niyat. Mein kaya aur Meri oqaat kaya. Yeh aap ki aala zarfi hay jo yeh samjhtay hain.

Members k feelings ka he khayal rakh ker yahan sab hota hay yeh moving deletion and so on warna to mein keh sakta hon k yeh ker k mera time waste hota hay meray pas posting ka time kamm bachta hay. Agar members ka khayal na ho to mien yeh kaam chhor ker sirf posting keron.

Aap khayal kisay kehtay hain.
Dunya mein koi shakhs shaid her kisi ko at a time satisfied nahe ker sakta kyon k her ik ki apni thinkings aur views aur khawahishaat hoti hain. apa as a member apni khawahish batain k jo pori nahe hui Insha Allah we will try our level best to provide u ur required Environment.

Aap nay MJKT ki baat ko use kiya to yeh to mein b aap say keh sakta hon k aap nay Management per tanqeed kerna apna Farz samjh hala keh Management sahe thi is ki bajaiy agar aap khud MJKT ko aisay guide kertay jesay aap Management ko keh rahay hain to Management k action ki zaroorat he nahe rehti. aap nay MJKT ko guide kernay ki bajaiy Management per tanqeed he bus kafi samjhi.

Khair aap ki is baat say mien agree hon k usay is tarah manage kiya ja sakta tha k bhai hum isay close ker rahay hain ya delete ker rahay hain ya edit ker rahay hain tum is tarah ker lo but as a member aur as a friend aap b keh saktay thay so aap DD k liyay kaya ker rahay hain.

Aap nay Farhan bhai ki thread ki baat ki jisay close ker diya gaya to mien accept kerta hon k jo aap nay kaha k agar close he kerna tha old ko kiya ja sakta tha. aap shaid apni raaiy tab he detay to us per amal ho jata. Its a best way. Thanks 4 This one. Insha Allah next time ya to same threads close he nahe hon gi ya phir old one.

aap nay kaha k hum nay aap ki thread close nahe ki, kaya yeh is baat ka proof nahe hay k hum Members ki khawahishaat ka apni hadd tak khayal rakhnay ki koshish kertay hain warna to LAW Book utha ker isay band kerna koi bara masla nahe tha.

Jo jo thread is base per close ki gai hay k is jesi already thi to mein un sab say Dil say SORRY kehta hon aur un k jazbaat majroh honay per maafi chahta hon pori Management ki taraf say.

Jahan tak progress ka output na milna hay to hum achhi tarah jantay hain k hamaray Forum ka Masha Allah mahool Friendly b hay aur Pur Mazah b aur respected so hamara 1st out put 2 saal bad b sahe hay.

Hum nay apni had Members ko active rakhnay ki kai koshish ki. mein aap ko davat deta hon k aap members ko regular kernay ki tajaveez dein. hum Insha Allah unhein qabil e amal banain gay.

New members ko invite kernay k liyay is forum ka kafi kharch ho raha hay mukhtalif jagah even Google per is ki ad chal rahi hay aur b hum jis hadd tak mumkin hay koshish ker rahay hain. aap is per b apni tajaveez day saktay hain.

I know baaz dafa rules ki bajaiy Halaat k motabiq faisla kerna perta hay. magar yeh halaat ki demand per hota hay. Bohat dafa aisa hota hay k halaat woh demand kertay hain jin k pora kernay say Rules nahe Rooh per asar perta hay jo k na qabil e amal hota hay k rules break ho saktay hain MAQSID nahe. aap apni raaiy dein halaat k motabiq.

Management ko explain kerna chahyay chahay aap ka maqsad explaination na he ho kyon k yeh Management ka farz hay agar woh mistake per hay to usay aitraaf kerna ho ga warna apni position clear kerni ho gi.

Roomi bro, her kaam k liyay managment ki zarorat nahe hoti, agar aap kisi member ko kuch kerta dekhtay hain jo sahe nahe hay to aap usay guide ker saktay hain as a friend. na k aap wait kerain k koi kuchh aur kahay ya karay to mien apnay comments don.

Mein nay yahan per apni Safai mien kuchh nahe kaha Management ki taraf say he baat ki hay jo meray nazdeek such aur sahe thi. Mein nay agar kuchh ghalt kaha hay to mein sharminda hon aur Maafi chahta hon. agara aisa kuchh huwa ho ga to woh Sirf Mistake ho ga koi jaan bojh ker kiya gaya amal nahe.

Aap apni Tajaveez dein, Insha Allah jahan tak mumkin huwa un per pori tarah amal dramad kiya jaaiy ga. Aur yeh sirf Roomi k liyay he nahe hay aap sab members k liyay yahi offer hay. Thanks 4 Comments

[Roomi]

waoooo...yeh to ulta mujhi ko apni safai dene pr gai....

Mein ur yoon teri bazm se tashna-e-kaam aaon
Ger mien ne ki thi toba to saqi ko keya howa tha

yaani keh ager aap se galti hogai to mien ne wait kerne ki bijay khud hi action kion nah leya...ya usi waqt aap ko kion nhi bataya...plz MJKT wali thread doobara study karein...ur dekhien keh mein wahan keya keh rha tha...

mine ne pehle hi keh deya hey keh yeh thread managment ko push kerne ke liye hey....overall mein ne aap ko samjhane ki koshish ki hey keh members mein josh peda keye bigair aap ko output nih milegi...management members ko qareeb lane mein fail ho gai hey...mein ne poocha the keh aap ne members ko regualr kerne ke liye keya kiya...aap ne ulta mujhe pe question ker deya....practically mujhe koi aisi baat mehsoos nih hoi keh aap ne members ko apna part samjha ho...koi example de skte hien...

mera kheyal hey keh galt kon sahi is ka faisla kerne hum nhi beithey...ksi ne keya kiya...chor dein sub kuch...just focus DD'future planing...keh keya hona chaiye...

sub se pehle yeh damagh mein bitha lein keh...halaat wo nhi hein jin ko hum normal kehte hein...so pehle halaat ki nabz pe apni ungliaan rakhien....ager aap samjhte hein keh haan yaar is patiant ke liye emrgency wale halaat hien....to declare ker dein sub ko...ur sub eik ho ke zor lagaien....koi management nhi hey....hum hi management hein ...hum hi members hein...hum hi dd hein....so jub aisa ehsaas hoga to dekhna keya result nikalta...

to kub aap decalre ker rhe hien........

[Zymal]

order oder
saray saboot or baato sai pata chalta hai k RM nai jo batein yaha Management sai share ki woh kuch thek hai Management ko is par roshni dalni chaya agar un ki taraf light hai to
wasai yeh kuch batein meray demkh mein bhi hai agar mein kuch share karna chahu to.. mujh ijzat hai

[Roomi]

hahahaha.....mujhe to lagta hey tum is thread ko bhi close kerwa do gi...

chalo chalo share kro hum se....isi liye to thread banai hey.......

[Zymal]

mein nai bhi kuch batein note hai jasai Management mein Sirf Khushboo ek ase hai jo DD par kafi postings karti hai or har thread par jati hai us ka khyal rakhti hai k DD par jab bhi koe member aai us ko ek new postings nazar aai
par jab Khushboo nahi ate hai to koe dusra Management mei nsai koe q is baat ka khayal nahi karta hai
sab atay hai dekhtay hai chalay jatay hai na atni posting hoti hai na kuch
kiay faida managment honay ka jab aap ko is baat ka khayal nahi hai
management sab shamil hai /Mod /SuperMOD/sab he
mein manti hu k jab koe user atay hai kuch link share kartay hai to management us ka jaldi action layti hai par agar woh saath saath ek do posting kar dai is sai new members yah woh senior member jo postings kartay hai un ka hosla bahrta hai k management nai nazar rahki hue hai hum atna time dia rahai hai us ka khayal rakha jay ga
kiya khayal ha iaap logo ka ?

[sohno4u]

achi discussion chal rahi hia, i love to read it