Amjad Islam Amjad's Poetry

Collection of Amjad Islam Amjad Poems.

members you can also add Amjad islam Amjad poems here.


Here are some from my sides

[~!!MasTer_MinD!!~]

Mohabbat Tor Sakti Hai

Koi Zanjeer Ho Usko Muhabbat Torr sakti hai
Jidhar Chahe ye Bagein Zindagi ki Morr Sakti hai

Muhabbat Roak Sakti hai Kisi Girtey Sitarey Ko
Kisi Jaltey Shararey Ko , Fana Kay Shuaarey ko

Ye Chalna Choor Aaenay Ki krichein Jorr Sakti hai
Koi Zanjeer Ho, usko Muhabbat Torr sakti hai

Muhabbat Per kisi bhi Rasm ka Pehra nahin chalta
Kisi Aamr ,Kisi Sultan ka Sikka nahin Chalta

Ye her Zandaan Ki Aandhi Salakhein Torr sakti hai
Koi Zanjeer Ho Usko Muhabbat Torr Sakti hai

Ye Jab chahe Kisi Bhi khwab ki Tabeer Mil Jaye
Kisi Rastey mein Raasta Poochti ,Taqdeer Mil jaye

Samey kay Taiz Dharoon ko Ye pichey Chorr Sakti hai
Koi Zanjeer Ho , Uss ko Muhabbat Torr Sakti hai

[~!!MasTer_MinD!!~]

Apnay ghar ki khirkee se main aasman ko dekhon ga
jis par tera naam likha hai , us taray ko dhoondon ga

tum bhi har shab diya jala kar palkon ki dehleez pe rakhna
main bhi roz aik khwab tumharay shehar ki janib bhaijon ga

hijr k darya main parhna lehron ki tehreerien bhi
pani ki har satar pe main kuch dil ki baatien likhon ga

jis tanha se payre k neechay hum barish mein bheegay thay
tum bhi usko chhoo k guzarna, main bhi us se liptoon ga

khwab musafir lamhon k hain , saath kahan tak jaien gay
tum ne bilkul theek kaha hai , main bhi ab kuch sochon ga.

[Ek-Ajnabee]

ahan niceeeee mere pass agar hogi to main zaroor add karo ga

[~!!MasTer_MinD!!~]

Kahan aakey Ruknay thaay Rastey,Kahan Morr thaa usey Bhool Ja
Vo jo Mil Gaya usey Yaad rakh,Jo nahin mila ,Usey Bhool Ja

Vo Teray Naseeb ki Baarishein kisi Aur chatt pay baras gaein
Dil-e-Bekhabar meri baat Suun,Usey bhool ja ,Usey bhool ja

Mein tou Guum thaa teray he Dihan mein,Teri Aas Teray Guman mein
Saba keh gaye hai Meray Kaan mein,Meray Pass aa usey bhool ja

Kisi aankh mein nahin Ashke gham,Teray baad bhi nahin hai Kamm
Tujhay Zindagi nay Bhula Diya,Tu muskura Usey bhool ja

Na Vo Aankh he teri aankh thee,Na Vo khwab he tera khwab thaa
Dil Muntazir hai tu kis liye Tera jaagna ,Usey bhool ja

Ye Jo Raat Din ka hai Khail sa,Usey daikh kay Uus pay yakeen na ker
Nahin Aks koi bhi Mustakil Sarr-e-Aaena usey bhool ja

Vo Jo Bisat-e-Jaan he ulat gaya ,Vo jo raastey say Palat Gaya
Usey rokney say husuul kiya ,Usey matt Bhula usey Bhool ja

[~!!MasTer_MinD!!~]

ok add kartay rahna..........

[~!!MasTer_MinD!!~]

Bheer mein aik ajnabi ka saamna achcha laga
sab se chhup kar woh kisi ka dekhna achcha laga

surmaee aankhon k neechay phool se khilnay lagay
kehtay kehtay kisi ka sochna achcha laga

baat to kuch bhi nahi thi lekin uska aik dumm
haath ko honton pe rakh kar rokna achcha laga

chaaye mein cheeni milana us gharee bhaaya buhat
zer-e-lub woh muskurata "Shukriya" achcha laga

dil mein kitnay ehad bandhay thay bhulanay k usay
woh mila to sab iraday torna achcha laga

us adoye jaan ko Amjad main bura kaisay kahon
jab bhi aya samnay woh bay wafa achcha laga

[~!!MasTer_MinD!!~]

Din raat kay anay janay mein
dunya kay ajaib khanay mein
kabhi sheshay dhundle hote hain kabhi manzar saaf nahi hote
kabhi suraj baat nahi kerta
kabhi taray aankh badalte hain
kabhi manzil pechay rehti hai
kabhi aasein tor nahi charhtein
kabhi khoshay pure hote hain
kabhi aankhein dekh nahi saktein
kabhi khwab adhoore hote hain
yeh sab to sahi hai lekin
aashob kay manzar khanay mein
dunya kay ajaib khanay mein
kuch saya kerti aankhon kay pemaan to dikhai dete hain
hathon say agarchay dur sahi imkaan to dikhai dete hain
haan ret kay us darya kay paar
ik peron wali basti kay unwaan to dikhai dete hain
manzil say koson dur sahi
pur dard sahi ranjoor sahi
zakhmon say musafir choor sahi
per kis say kahein aay jaan-e-wafa
kuch aisay ghao bhi hote hain jinhein zakhmi aap nahi dhote
bin roye huay aansoo ki terha senay mein chupa ker rakhte hain
or sari umr nahi rote
neendein bhi muhaya hoti hain, sapne bhi dur nahi hote
ab kis say kahein aay jaan-e-wafa
yeh ahl-e-wafa
kis aag mein jalte rehte hain
kyun bujh ker rakh nahi hote...!!

[~!!MasTer_MinD!!~]

JAISAY MERI NAZAM KI LERKI....

woh chanchal albeli lerki meri nazmain yun perhti hai
jaisay un nazmon ka mehwar
us ki apni zaat nahi hai,
(yani itni sundar lerki aur koi bhi ho sakti hai!)
jaisay us ko ilm nahi hai yeh sari batain ,us ki hain
sari ghaatain us ki hain
her aahat hai us ki aahat, sab saaye hain us kay saaye
sarey mehmal us k hain
her khushbu hai us ki khushbu, sab chehray hain us kay chehray
saarey aanchal us kay hain
jaisay us ko ilm nahi hai us lerki kay saarey kaam
saarey naam usi kay hain
her khirki hai us ki khirki, sarey baam usi kay hain
us lerki kay naam say jo kuch main nay apnay naam likha hai
us say hi mansoob hua hai
(shayed mera waham ho lekin main nay yeh mehsoos kia hai)
jab main nazam sunaata hoon woh aankh churaney lagti hai
mujh say nazrain mil jaayen to wo shermaney lagti hai
kuch lamhay woh chanchal lerki gum sum si ho jati hai
lekin thori der main phir say pather ki hojati hai
jaisay meri nazam ki lerki!!

[~!!MasTer_MinD!!~]

Maan''

main jidher gaya main jahan raha
merai saath tha
wohi aik saaya-e-meherbaa(n)
wo jo aik chehra-e-aber tha' sar-e-aasmaa(n)
pus her gumaa(n)
wo jo aik herf-e-yaqeen tha
merai her safer ka ameen tha
wo aik baagh-e-iram numasabhi moasamo(n) main hara raha
wo ujar gaya
wo jo aik dua ka charagh sa merai raasto(n) mein jala raha
wo bikher gaya
merai ghum ko jar se ukharta
wo jo aik lims-e-azeez tha
''kisi kapkapatae se haath ka''
wo nahin raha
wo jo aankh rehti thi jagtimerai naam per
wohi so gai
wo jo ik dua-e-sukoon thimerai rakht main
wohi kho gai
aye khuda-e-wahid-o-lamyazel
terai aik herf kai said hain
ye zamaa(n) makaa(n)
terai faislon kai huzoor main
na mijaal hai kisi herf ki'
na kisi ko taab-e-sawaal hai
ye jo zidagee ki mataa hai
teri dain hai ' tera maal hai
mujhai hai to itna malaal hai
ke jab us ki sa'at-e-aakhri sar-e-raah thi
main wahan na tha
merai raaston se nikal gai
wo aik jaa-e-panah thi
mein wahan na tha
sar-e-shaam ghum mujhay dhoondti
meri ''Maam'' ki bujhti nigaah thi
mein wahan na tha
merai chaar soo hai dhuaan dhuaan
merai khuaab se meri aankh tak
ye jo sail-e-ashk hai dermia(n)
isi sail-e-ashk ke paar hai
kaheen meri ''Maan''
terai reham ki nahin had koi
terai ufoo ki nahin intihaa
ke too Maan se barh ke shafeeq hai
wo rafiq hai
ke jo saath ho toye zindagiki musaafatain
ye aziyyatein '' ye rukaawatein
faqat ik nigah ki maar hain
ye jo khaar hain
terai dast-e-mo'ajzah saaz se
gul-e-khush jamaal bahar hain
meri iltijaa hai to bus yehi
meri zindagi ka jo waqt hai
kate us ki ujli duaaon se
terai derguzer ke huzoor main
teri barkaton ke hisaar mein
usi roshni ki qitaar main
kisi cheez ki bhi kami nahin
teri bakhshishon ke diyaar mein
meri ''Maan ki rooh-e-jameel'' ko
sada rakhna apne jawar main
sada pur fiza wo lehad rahe
terai lutf-e-khaas ki chaaon main

(Amjad Islaam Amjad

[~!!MasTer_MinD!!~]

''Qata'a"
her cheez keh rahi koi or hai yahan
jis ki raza ke fazal hain hum per ' naye nay
Amjad ye sab yaqeen bhi ' sarai gumaan bhi
sab hain usi jamaal kai mazher naye naye.a''


''main ke her shay ki baqa janta hun''

koi batlaaye mujhai
merai in jaagtay khuaabon ka muqadder kia hai?
''main ke her shay ki baqa janta hun''
urtai lamhon ka pata jaanta hun
sard or zard sitaaron ki taga pu kia hai
rang kia cheez hai khushbu kia hai
subha ka seher hai kia'' raat ka jaadu kia hai
or kia cheez hai aawaz-e-saba jantaa hun
yet or naqsh-e-qadam'maot ka ram
aankh or goshaa-e-lab zulf ka kham
shaam or subha ka gham
sab ki qismat hai fanaa jaanta hun
phir bhi ye khuaab merai saath lagai rehtai hain
jaagtai khuaab ke jin ki koi taabeer nahin
koi tafseer nahin
soorat zakhum harai rehtai hain
merai hathon se pare rehtai hain
aagahi juhal se bad ter thehri
jaagtai khuaab ki taabeer muqadder thehri
zindagi merai liye gunbad-e-be der thehri
main ke aawaz-e-saba jantaa hun
urtai lamhon ka pata jaanta hun
''or her shay ki baqa janta hun''

[~!!MasTer_MinD!!~]

baadal orh ke guzrun ga main terai ghar ke aangan se
baadal orh ke guzrun ga main terai ghar ke aangan se
qos-e-qaza ke sab rangon main tujhay bhiga daikhon ga

raat gaye jab chaand sitaarey lukan meeti khailain gai
aadhi raat ka sapna bun ker main bhi tun ko choo loon ga

be mausam baarish ki surat'dair talak or door talak
terai diyaar-e-husn pe kin min kin min bersoon ga

sharam se dohra ho jaye ga kaan para wo bunda bhi
bad-e-saba ke lehjai main ik baat main aisi poochoon ga

safha safha ik kitaab-e-husn si khulti jaaye gi
or isi ko lo main phir main tum ko azber kerloon ga

waqt ke ik kanker ne jis koukson main taqseem kia
aab-e-rawan main kaise Amjad ab wo chehra joroon ga

[~!!MasTer_MinD!!~]

Joined: Mon Aug 22, 2005 8:15 am
Posts: 1565
Location: London
'' HAMD''


jhapak rahe hain sitaaray jo aoni aankhon main
tulooay subh ka shaayed ye istiaarah hai

zamee(n)apni taraf khainchti hai matti ko
safer ki gard ke uthne main' baith jaane main

jo koi ghor se daikhaito ik isharah hai
her aik cheez nishaani hai us ke hone ki

ke jis ne khaak ke putlai ko serfaraaz kia
ik zarray mahin so so tarah ke bhaid rakhai

phir aonai raaz main sab ko shareek-e-raaz kia
bana diye hain zamaan-o-makaa(n).....der-o-deewaar

saron pe chat ki tarah aasmaa(n) usaama hai
tamaaam raastay usi ki taraf nikaltay hain

ke deer ho ya haram! sab paraao hain usi ke
ye roz-o-shab ya mah wisaal' jaisay dariya hain

jo us ameeq samander main ja ke girtay hain
nahin hai jis ki koi thah.....na kinarah hai

kabhi kabhi to ye lagta hai jaisayher lamha
kisi khoj main nikla huaa sitaara hai

ye shash juhlat nahin hai'be shumaar aankhain hain
ye kaainaat koi mustaqil nizara hai!

hum us ko dhoondtay phirtay hain"ye to ber haq hai
kahin pe wo bhi muntazir mager humara hai!!

[~!!MasTer_MinD!!~]

''iqbaal''

rooh ko chootai huay ik nazaarai jaisa
tha ik shakhs yahan subha ke taarai jaisa

fiker thi sab se juda' khuaab anokhai us ke
phir bhi lagta tha beher rang humaarai jaisa

phailti jaati hai saaray main wohi baang-e-dara
goonj main jis ki hua sail'kinaaray jaisa

[~!!MasTer_MinD!!~]

''Kehta hai darpan''

kehta hai derpan maire jaisa ban
taareeki ki maot! aik nahif kiran
mehnat apna maal waqt"paraya dhan
baat na kernai se barhti hai uljhan

apnai dill jaisa! koi nahin dushman
duniya! lota de mera apna pan
jhoolai jee uthai jaag paray jaaman
roz wohi qissah!roz wohi uljhan!

sadiyaan loot gai paayel ki chan chan
ye to bersai ga saawan hai"saawan!
saaray khaak samaan tan or man or dhan
apnon hi se to hoti an ban

sab se acha hai apna gher aangan!
piyaas bari hai ya sonay ka bertan?
kia uftaad pari! lagta naahin man
aadam zaad nahin"basti hai ya ban!

kaisa bhi ho roop !matti hay madfan
sikkay ke do rukh birhan or dulhan
dhoka daitay hain ujlay pairahan
rah main khilta phool bewah ka joban

donon jhutay hain saajan or saawan
aahat kis ki hai taiz hui dharkan
utni khuaahish ker jitna hai daaman
hum tum donon hain dherti or saawan

uks banay kaise hai dhundla derpan
zair-e-aab huay khuaabon ke maskan
theher gaya hai kion! aankhon main saawan!

kaccha sona hi banta hai kundan
ik din nikhray ga ger saccha hai fun!
kaisay rok sakai ga khushbu ko gulshan
Amjad merai saath ab tak hai bachpan!