** Mere Hamsafar **

[bilaltahirkhan]

Mere humsafar, teri nazr hein meri umr bhar ki daulatein
Mere sher, meri sadaqatein, meri dharkaein, meri chahatein

Tujhe Jazb kar loo'n lahoo mein main ke faraq ka na rahe khatar
Teri dharkano'n mein utaar doon ye khwab khwab rafaqatein

Ye ridaa e jaan tujhe saunp doon ka na dhoop tujh ko karhi lage
Tujhe dukh na dein mere jeete ji sar e dasht ghum ki tamazatein

Meri subh teri sadaa se ho, meri shaam teri zia se ho
Yehi tarz pursash e dil rakhein teri khushbo'on ki safaratein

Koi aisi bazm e bahaar ho, main jahan yaqeen dila sakoon
Ke tera naam hai fasl e gul, ke tujhi se hein ye karamatein

Tera qarz hein mere roz o shab, mere paas apna to kuch nahin
Meri rooh, meri mataa e fan, meri saans, teri amanatein

[Roomi]

bohat hi maze ki hey........

[Zymal]

Koi aisi bazm e bahaar ho, main jahan yaqeen dila sakoon
Ke tera naam hai fasl e gul, ke tujhi se hein ye karamatein


Tera qarz hein mere roz o shab, mere paas apna to kuch nahin
Meri rooh, meri mataa e fan, meri saans, teri amanatein

nice