Ik baar phir kaho zara

[Sim]

Ik baar phir kaho zara keh meri saari kainaat
teri ik nighaah par nisaar hai
meri siyaah zindagi ka noor tum
jannat e arzi rashq e hoor tum
lazzat e jaan , raahat e qalb e hazeen
ishrat e nazaara, mehvash, mehjabeen
ik baar phir kaho zara keh tu bahut haseen hai
nighaah mein shabab ka khumaar hai
ik baar phir kaho zara
sharam ke parde mein pinhaan shokhiyan
muskuraahat mein nihaan hon bijliyan
har ada teri mujhe marghoob hai
dehar ki har cheez se mehboob hai
ik baar phir kaho zara keh paikar e faani hai kya
keh dil toh teri rooh par nisaar hai
ik baar phir kaho zara
jism faani, husn bhi faani mera
jazbe dil lekin hai lafaani mera
mard harjai hai har gul par nisaar
dil magar deti hai aurat ek baar
ik baar phir kaho zara
keh mujh ko gair ka khyaal
tauba tauba bas nagawaar hai
ik baar phir kaho zara
main wohi hoon, main badal sakti nahin
doosre saanche mein dhal sakti nahin
ab tere tevar, tere kaul aur hain
main kahan ab qaabil e gaur aur hain
ik baar phir kaho zara
keh mera ishq
mehar aur maah se ziyaada paidaar hai
ik baar phir kaho zara
mere sar ki jhoothi kasamein kya hui-n
zaahiri ulfat ki rasamein kya hui-n
giriya e paiham woh uljhan kya hui
aanch ki taizi woh dhadkam kya hui
ik baar phir kaho zara
keh mera ehd
ustuvar rooh se ziyaada ustuvaar hai
ik baar phir kaho zara
baandh kar ehd e wafa toda toh kya
sheesha e dil tod kar joda toh kya
sab samajhti hoon magar maazoor hoon
dil ki iss fariyaad se majboor hoon
ik baar phir kaho zara
keh meri saari kainaat
teri ik nighaah par nisaar hai

[soni kurri]

nice....

[Sim]

adaab arz hai

[Khushboo]

ik baar phir kaho zara
baandh kar ehd e wafa toda toh kya
sheesha e dil tod kar joda toh kya
sab samajhti hoon magar maazoor hoon
dil ki iss fariyaad se majboor hoon

Bahut khoob...i liked that

[Sim]

adaab arz hai